Kreshnik Spahiu tha mbrëmjen e sotme se SHBA-ja nuk të fal për raste lobimi. I ftuar në “Studio Live” në Report Tv ai tha se precedentët për këtë janë dhe me rastin e Berishës do veprohet njësoj si edhe ne rastet e tjera.  

“Ne jemi marrë me të katra kontratat e lobimit në SHBA dhe të gjitha janë bërë objekt i hetimit atje. Pra u bë Basha, Meta, po bëhet Rama me McGonigal dhe tani Berisha. Pra ata hetojnë dhe të dërgojnë FBI-në, nuk është e mundur të blihen SHBA-të as me 6 milionë, as me 600 milionë, dhe as me 6 miliardë dollarë.” – tha Spahiu.

Spahiu tha se nuk ishte e ligjshme që të ketë ndikim të huaj apo influencim në zgjedhje, qoftë me financime e në shkelje të ligjit.

“Po arrestohen njerëz për 50 euro për blerje vote, po për 6 milionë dollarë financim? Sepse mund të influencojë edhe rezultatin e zgjedhjeve, kjo është shkelje. A mund të ketë ndikim kjo edhe të Shtëpia e Bardhë? Ndaj nuk lejohet ndërhyrja e enteve të huaja me ligj. Nëse vijnë njerëzit e huaj e vijën e bëjnë fushatë këtu, këtu pastaj s’ka garë. Ne duhet t’i kërkojmë falje atij fshatarit për 50 euro, për miellin apo vajin e ullirit, në krahasim me palën tjetër”, shtoi Spahiu.