Radar
Yair Golan: Izraeli po vret fëmijët në Gaza si hobi
Kreu i demokratëve opozitarë në Izrael, Yair Golan, ka deklaruar së fundmi se Izraeli po vret foshnja për hobi.
Izraeli është duke u shndërruar në një shtet pariah, siç ishte dikur Afrika e Jugut nëse nuk do të rikthehemi në veprimin si një vend i shëndetshëm. Dhe një vend i shëndetshëm nuk lufton kundër civilëve, nuk i vret fëmijët si një hobi dhe nuk I jepet ngasjes së dëbimit të popullsisë
ka thënë ai në një intervistë të cituar gjerësisht.
Sipas tij qeveria e Beniamin Netahyahut është e mbushur “me tipa hakmarrës që nuk kanë as moralin dhe as aftësinë të drejtojnë një vend në kohë krize”.
Mbi këto komente ka reguar me tërbim kryeministri Netanyahu që ka dënuar siç u shpreh ai “këtë shpifje gjakësore dhe nxitje të egër” që sipas tij shkojnë kundër shtetit. Të dhënat e deritanishme flasin se që nga tetori 2023, Izraeli ka vrarë në luftën e vet ndaj Gazas, 53 mijë njerëz, shumica e të cilëve fëmijë.