Kreu i PD, Sali Berisha teksa po fliste për humbjen në zgjedhjet e 11 majit, ai preku për “nenin Basha” në rregulloren e Partisë Demokratike.

Berisha tha se “neni Basha” bëhet fjalë për zgjedhje jo për farsa duke lënë të kuptohet që ai nuk do e japë dorëheqjen. Më tej ai I mëshoi idesë së tij që zgjedhjet ishin të vjedhura, teksa theksoi se po të ishin zgjedhje të vërteta Edi Rama nuk do të fitonte kurrë.

Kreu i demokratëve u shpreh gjithashtu se nëse Rama do i fitonte vetë të votat, nuk ishte nevoja që të shpërndante lekë për pensionistët apo të falte gjobat.

“Neni Basha bën fjalë për zgjedhje, jo për farsa. Zgjedhjet janë zgjedhje, farsat janë farsa. Farsa është dënim për opozitën. Neni Basha nuk ka pse ndryshon. Në momentin kur bëhen zgjedhje të vërteta, merren përsipër përgjegjësitë. Kur ka farsë, nuk ka opozitë që fiton farsën. Në diktaturë, të gjitha të zezat i kishin, por i quanin votime e jo zgjedhje. Sepse nuk ishin zgjedhje dhe ata e dinin atë gjë. Dita e votimit e quanin. Po të ishin zgjedhje, nuk do i fitonte kurrë Edi Rama.

Rama nuk shpërndante lekë për pensionistët, po t’i fitonte zgjedhjet; nuk falte gjoba; nuk e shndërronte administratën në punonjës elektoral…”, tha Berisha në “Debat”.