Reperi i njohur G Bani ka folur së fundmi në një live në TikTok për një nga momentet më të diskutueshme gjatë qëndrimit të tij në Big Brother VIP Albania 4.

Në një nga netët e spektaklit, moderatori Ledion Liço hyri në shtëpi për t’i dhënë lajmin e hidhur se babai i tij ishte në spital, gjë që çoi edhe në largimin e menjëhershëm të reperit nga gara.

Duke iu rikthyer edhe një herë këtij momenti, pas pyetjes që iu bë në live “kur të thanë për herë të dytë dil se ke një person të sëmurë, a ka qenë e vërtetë?”, G Bani konfirmoi se i ati ishte vërtet i sëmurë dhe në spital. Por ai theksoi gjithashtu se mënyra se si iu komunikua kjo gjë nuk ishte e drejtë:

“Babai im ka qenë sëmurë, babai im ka qenë në spital me të gjitha ato që ka përshkruar drejtuesi i emisionit, por që ata që kanë bërë një show të shëmtuar në shpinën time që nuk duhej të ma kishin thënë në Prime, por do më kishin thënë më parë, ajo është e vetmja gjë e sigurt.”

“Nuk kanë pasur pse të presin Primen, të më thonë në Prime, me më fut aty, G Bani në dhomë të rrëfimit, ke babanë sëmurë, ik.”

Reperi u shpreh se ky moment nuk duhej të ndodhte në atë mënyrë dhe se çështje kaq të ndjeshme duhet të trajtohen me më shumë kujdes dhe respekt për privatësinë e konkurrentëve.