Këto janë 24 zakonet më të çuditshme të shqiptarëve që u bëjnë përshtypje të huajve

The Balkanista është blogu i një britanikeje e cila është e dashuruar me Ballkanin.

Prej 11 vitesh ajo është shkëputur nga Londra dhe së fundmi është zhvendosur në Tiranë, ku i kushton rëndësi edhe blogut të saj, i cili vërtet ka shumë sukses.

Ajo i ka kushtuar qindra artikuj Shqipërisë, ku disa prej tyre janë të vërteta në mënyrën më sarkastike të mundshme.

Artikulli i saj i fundit bazohet në disa zakone të çuditshme që ajo ka vënë re gjatë qëndrimit të Shqipëri, të cilat i ka sjellë në nota humori.

Për më tepër hidhini një sy, dhe po, janë të gjitha të vërteta.

“Tani e kuptoj se si një i huaj ndodhem në një pozicion të rrezikshëm në momentin që postoj këto shaka. Por ju lutem mos harroni që unë e dua këtë vend dhe shqiptarët, dhe të gjitha këto janë vetëm për pak argëtim.

1- Ju do shihni dekoret e Krishtlindjeve apo këngët e Krishtlindjeve nëpër lokale, në mars.

2- A ka nevojë një njeri që ka një Smart për dy vende parkimi?

3- A është uniformë jo zyrtare dimri xhupi me kapuç me lesh për meshkujt dhe femrat?

4- Është e pranueshme nga shoqëria që të pish 15 kafe përpara mesditës.

5- Është e pranueshme të pish raki përpara mesditës.

6- Është e gabuar të shohësh dikë për më shumë se 1 sekondë nëse nuk e njeh.

7- Është në rregull të jesh patrioti më i madh në botë, por njëkohësisht të planifikosh ikjen drejt Britanisë, Kanadasë, Amerikës, Gjermanisë.

8- Është e zakonshme t’i shohësh burrat të ecin krahë për krahu.

9- Edhe kur ulesh në autobus dhe dikush që ka blerë 5 pula të gjalla ulet pranë teje.

10- Është normale të gjesh çantën e fundit të Louis Vuitton në dyqane, kancelari dhe madje edhe te kasapi.

11- Ngjyrat e semaforit janë në varësi të opinionit të gjithsecilit.

12- Shenjat rrugore janë opsionale.

13- Është normale që të panjohurit të qerasin me raki ose kafe kur je i huaj dhe më pas t’i mbetet qejfi nëse nuk pranoni.

14- Karkalecat krudo janë pjesë e një dietë të përgjithshme.

15- Është normale që teminat, gëzofi rozë, lëkura, të vishen gjatë ditës, madje edhe në zyrë.

16- Duhanpirja një ves më shumë i pranueshëm se sa i papranueshëm.

17- Shprehja “avash-avash” është një motivacion.

18- Është normale të shohësh super–makina gjatë një dite të zakonshme në Shqipëri se sa gjatë një viti në Londër.

19- Është normale të mbash ushqim për qen në çantë në mënyrë që të ushqesh qentë e rrugës.

20- Playlista e një lokali duhet të mbajë në të njëjtën vijë këngë nga Pitbull, Jon Bon Jovi, Noizy, Leonard Cohen dhe muzikë folk.

21- Është normale që të ndiqesh nga fëmijët që lypin, duke të kapur pas krahu vetëm pse i the jo.

22- Nuk mund të planifikosh asgjë për sa i përket shërbimit urban. Kurrë nuk kanë një orar të saktë.

23- Dëgjon një zhurmë në mbrëmje dhe nuk je i sigurt nëse ishte e shtënë arme, apo thjesht një fishekzjarr.

24- Është e pranueshme në shoqëri të kesh 1 ose 5 armë”.