Vetëm në këtë mënyrë do mund ta lini duhanin!

Një nga veset më të këqija dhe më të vështira për t’u hequr, për të cilin po luftojnë të gjithë, është duhani. Kërkuesit kanë kohë që mundohen të gjejnë një zgjidhje për t’i dhënë fund këtij zakoni kaq të dëmshëm për shëndetin dhe alternativat janë gjithmonë dy: T’i japësh fund menjëherë ose gradualisht. Por cila është alternativa më e mirë?

“Ndonëse shumica e njerëzve mendojnë se kjo gjë duhet bërë duke reduktuar sasinë e cigareve që konsumohen çdo ditë, në fakt studimi ka treguar që nuk është e vërtetë”, ka thënë Nicola Lindson Hawley, një profesoreshë në universitetin e Oxford-it. Ajo dhe kolegët e saj përfshinë në studim 700 njerëz. Atyre i’u caktua një datë për të lënë duhanin pas dy javësh. Një grup filloi ta bënte këtë gjë duke eliminuar pak nga pak çdo ditë, ndërsa një grup tjetër vazhdoi ta konsumonte normalisht. Në datën kur ishte paracaktuar, të dy grupet i thanë “stop”.

Pas 4 javësh 49% e atyre që i dhanë fund menjëherë, nuk kishin konsumuar ende cigare ndërsa nga grupi tjetër vetëm 39% ishin të suksesshëm. Pas një viti, rezultatet u kontrolluan sërish dhe ajo që studiuesit panë ishte se grupi që e la menjëherë ishte akoma një joduhanpirës!

Burimi: Time