Mix
Fiat 500, zbuloni detajet e modelit të ri elektrik
Kompania torineze ka krijuar modelin e ri elektrik me karikim të shpejtë, teknologji e lartë në bord dhe mbulesë prej xhami. Një çmim prej 34.900 euro
Fiat-i ka hapur mundësinë e porosive për versionin e ri të modelit sedan, 500 elektrike. Pasi zbuloi modelin kabrio në mars, kompania torineze prezantoi modelin e ri me bateri, i cili karakterizohet nga një pjesë e sipërme panoramike me xham. Modeli 500 është fillimisht i disponueshëm në versionin “Prima” me një çmim prej 34.900 euro me opsionin “easyWallbox” të përfshirë.
Baza e njëjtë
Sjellja e re vijon me atë që tashmë është parë në versionin e kufizuar kabrio 500, e cila ka dalë tashmë në treg. Në fakt, të dy makinat kanë të njëjtën mekanikë të mbështetur mbi të njëjtën platformë me motor elektrik prej 118 kuaj fuqi të mundësuar nga një bateri 42 kWh që ju lejon të udhëtoni deri në 320 km me një rezervë të plotë të elektroneve në ciklin Wltp dhe deri në 400 km në qytet.
Mënyrat e drejtimit janë të njëjta me ato të kabrios: Normale, Range (për efikasitet maksimal) dhe Sherpa (për tu siguruar që të arrini destinacionin tuaj ose stacionin më të afërt të karikimit). Modeli i ri 500 elektrik mund të arrijë nga 0në 50 km/orë në 3.1 sekonda, të kapë 100 km/orë në nëntë sekonda dhe të arrijë një shpejtësi maksimale të vetëkufizuar prej 150 km/orë.
Karikimi
Në modelin e ri elektrik 500 ekziston një sistem karikimi i shpejtë prej 85 kW që lejon të zvogëloni kohët e karikimit të baterisë. Në fakt, për të krijuar autonomi prej 50 km, mund të duhen pesë minuta, ndërsa për të rikarikuar baterinë në 80% duke përdorur stacionet e shpejta, duhen 35 minuta. Foleja e karikimit është model Combo 2 e pozicionuar në anën e djathtë në pjesën e pasme, ku është gjithmonë pjesa e mbushjes së karburantit.
Gjithashtu, modeli 500 elektrik mund të karikohet edhe në shtëpi, duke përdorur një kabllo furnizimi me fuqi deri në 2.3 kW, ose përmes EasyWallbox, i cili arrin në 7.4 kW. Një kabllo Mode 3 është gjithashtu standard, me të cilën është e mundur të lidhni makinën me stacionet e karikimit publike ose shtëpiake, me fuqi deri në 11 kW.
Teknologjia në bord
Ashtu si në modelin kabrio, edhe modeli sedan 500 ka gjithashtu karakteristika të ndryshme për ndihmë në drejtim dhe sigurinë aktive. Varianti “La Prima” ka sisteme standarde siç janë frenimi automatik, kontrolli adaptiv i drejtimit, ruajtja e trajektores, Urban Blind Spot, Attention Assist, kamera të pasme me rezolucion të lartë dhe sensorë parkimi 360 gradë.
Në bord mbizotëron infotainment-ii lidhur UConnect 5 nga 10.25 inç me radio Dab, navigator dhe lidhje wireless për Android Auto dhe Apple CarPlay. Përmes një aplikacioni smartphone, drejtuesi gjithashtu mund të shikojë parametra të ndryshëm të makinës, duke përdorur funksionet My Car, My Remote, My Navigation, My eCharge, My Wi-Fi, My Alert dhe My Assistant.
Derë e re bagazhi dhe mbulesë xhami
Për të dalluar sedanin ka disa detaje, duke filluar me pjesën e sipërme prej xhami, të krijuar për ta bërë pjesën e brendshme të makinës të ndritshme. Duke pasur parasysh mungesën e hapjes elektrike të pjesës së sipërme,versioni i ri ka një bisht të pasmë specifik të krijuar për të përmirësuar efikasitetin aerodinamik. Gjithashtu, ndryshon edhe sistemi i hapjes së bagazhit. Ekzistojnë tre ngjyra për klientët: Celestial Blue, Ocean Green dhe Mineral Grey. Për të gjitha modelet“La Prima” ka rrota 17 inç, fenerë Full Led, pjesë të brendshme të kromuara dhe tapicerieko-lëkure për sediljet dhe kroskotin.
