Divorcohet me gruan sepse ajo e quante elefant

Një burrë në Indi u divorcua nga gruaja e tij pasi ajo e quante vazhdimisht elefant. Gjykata në Indi e ka cilësuar si të argumentuar divorcin, pasi sipas gjykatësit kjo fjalë shkakton “vuajtje mendore”.

35-vjeçari biznesmen peshon rreth 100 kilogram. Ai rrëfen se gruaja e tij e ka poshtëruar në vijimësi për shkak të mbipeshës dhe si të paaftë për të kënaqur dëshirat seksuale të saj.

Gjykata argumentoi se megjithëse burri ishte mbipeshë, përdorimi i fjalëve të tilla si “elefant”, tregon mungesë respekti dhe ndikon në aspektin emocional dhe mendor të partnerit.