Grupimi i të djathtëve që kërkojnë largimin e kryedemokratit Lulzim Bashës pas humbjes së zgjedhjeve zhvilluan një konferencë për shtyp, kur renditën disa nga arsyet e kërkesës së tyre.

Edit Harxhi pjesë e grupit “Për PD” tha se çështja nuk është vetëm tek zgjedhja e kryetarit të ri, por te reformimi që duhet t’i bëhet partisë. Grupimi renditi disa propozime kryesore: Propozojmë një reformim të thellë të Partisë Demokratike, modelin e hapjes dhe bashkimit, kthimin në një progam të qartë të së djathtës konservatore moderne,ndryshimet statutore që t’i hapin rrugën përfaqësimit brenda partisë dhe të zgjedhurve të saj, debatit të lirë dhe ringritjes së dinjitetit të anëtarit dhe institucioneve të saj, primareve për demokratët brenda dhe jashtë vendit.

Ky grup, “Për PD-në” është i hapur, ne bëjmë thirrje për reflektim dhe ftojmë të mblidhemi rreth principeve jo personave, idealeve themeluese të PD-së që janë po aq aktuale sot sa 30 vjet më parë dhe modeleve e traditave më të mira të PD-së në këto vite.

Sipas demokratëve, Basha nuk mori përgjegjësi për humbjen e viti 2017, ndërsa shtojnë se lista e vitit 2021 ishte sërish e kryetarit, që sipas tyre, emëroi kryesuesit në disa qarqe me vendim vetjak. Ata theksojnë se Statuti u shkel njësoj si në 2017, duke theksuar se PD duhet t’i kthehet rrënjëve të saj, traditës më të mirë të saj dhe të shikojë nga e ardhmja për një vend të lirë e modern.

Sa i përket zërave për një bashkëpunim të mundshmë mes PD dhe PS, Arben Imami tha: Kemi informacion, Përpjekja ka filluar në 17 maj, ka qenë e pandërprerë, ka pasur këtë qëllim dhe ka dy dështime të mëdha, vijimi i kësaj rruge kuptohet se ku të çon në 2025.

Ndërkohë ish-Presidenti Bujar Nishani, ka thënë se nëse është e vërtetë, është thikë pas shpine për demokratët.

“Nëse ka një tentativë të tillë do të realizonte atë që është droja më e madhe e opinionit publik, një droje që ka ekzistuar edhe brenda PD, për ta kthyer në një aneks të Edi Ramës, asgjësimi i PD, por unë jam e bindur që kjo tentativë për ta asgjësuar apo të ta kthyer në një aneks të padëgjueshëm për qytetarët. Do ishte thika më e helmatisur pas shpine”, tha Nishani.

Grupimi “Për PD” përbëhet nga Bujar Nishani, Arben Imami, Edith Harxhi, Arben Ristani, Edvin Kulluri, Ibsen Elezi, Endira Bushati, Bislim Ahmetaj, Indrit Hoxha.