Kryedemokrati Lulzim Basha, në mbledhjen e kryesisë është përballur me debat dhe sulme nga Fatbardh Kadilli.

Basha ka deklaruar se në zgjedhje nuk ka lejuar të bashkëpunojë me bandat. Ai thotë se këtë e ka parim, dhe se mban përgjegjësi që nuk ka bashkëpunuar me to.

Ndërsa më herët, Fatbardh Kadilli ka bërë disa kritika, duke thënë se Basha është humbës i përsëritur prej defekteve personale dhe se drejtoi gjithë fushatën vetëm, pa forume e pa përfshirë askënd.

“Bashkëpunimi me bandat nuk u lejua nga unë në zgjedhje. Dhe keto janë parimet e mia. Kjo është përgjegjësia ime nëse njihet si përgjegjësi, që me bandat s’kam bashkëpunuar.’’– tha Basha.

Më tej, lideri i opozitës është shprehur se nuk mund të kemi vizione të ndryshme mbi vjedhjen e zgjedhjeve. Kreu i PD thotë se s’do ndalemi deri sa të çmontojmë regjimin Rama-Doshi.