Bashkëpunimet e reperit Noizy me vajzat e showbiz-it mund të numërohen me gishtat e dorës dhe këtij grupi sapo iu bashkua këngëtarja Arilena Ara!

Dyshja, që po mban çdo gjë thuajse sekret, është nisur drejt Korçës së bashku me stafin e xhirimeve.

Noizy dhe Arilena po sjellin një bashkëpunim. Ata kanë mbërritur së bashku  në të njëjtin vend ku kanë qëndruar, siç lënë të kuptohen edhe postimet e tyre në InstaStory.

Madje, ditën e sotme Noizy ka ndarë në InstaStory një video të bandës së Arilenës, e cila po luante në shesh dhe bënte disa përgatitje për projektin e ri.

Ende s’e dimë për çfarë bashkëpunimi bëhet fjalë, pasi s’kemi një titull apo detaje të tjera rreth këtij projekti.

Para pak ditësh, reperi ka bërë të ditur se ka gati një album të ri, që do të publikohet copëza copëza. Noizy ka treguar se këngët do të publikohen çdo javë ose 10 ditë, ndërsa titulli i albumit do të zbulohet së shpejti. Për reperin ky është albumi më i preferuar deri më tani, ndaj të gjithë u bëmë super kurioz të mësojmë se ç’ka përgatitur këtë herë Noizy.

“Albumi është gati… Dhe publikimi i këngëve do të bëhet çdo javë/10 ditë nga një super mega hit. Ky album është më i preferuari deri tani. Së shpejti titulli dhe track list”, shkruan Noizy në një postim.

Mesa duket pjesë të këtij albumi do të jetë dhe një super bashkëpunim mes tre emrave më të zë të momentit. Elgit Doda, Alban Skënderaj dhe Noizy po bashkojnë forcat për të sjellë një hit veror. Këtë lajm e ka “konfirmuar” vetë producenti i njohur përmes një postimi në Instagram. Pak orë më parë Elgiti ka publikuar një foto ku shihet duke matur tensionin në studion e tij muzikore, krahas së cilës ka shkruar:

“Duhet me kontrollu herë pas here tensionin këtë herë!”

Në këtë postim, ai i ka bërë “tag” Albanit dhe Noizy-t duke lënë të kuptohet kuptohet se treshja po vijnë me një projekt të përbashkët, që padyshim që do të kthehet në një hit.