Radar
Si falet namazi i sabahut, drekës, ikindisë, akshamit dhe jacisë / Llojet dhe Rekatet e Namazit
Llojet e Namazeve
Çdo namaz, qoftë farz ose sunnet falet për hir të Zotit dhe askujt tjetër.
Namazet farz janë obligim nga Zoti për çdo musliman të vetëdijshëm, dhe për mosfaljen e tyre pa shkak pason dënimi në këtë jetë dhe pas vdekjes.
Namazet sunnet është mirë që të falen ngase ato i ka falur edhe Muhammedi a.s. gjithmonë kur ka patur mundësi. Në tabelë janë cekur 12 rekatet sunnet që Muhammedi a.s. zakonisht i ka falur dhe e ka lavdëruar faljen e tyre duke thënë: “Çdo musliman që vullnetarisht falë 12 rekate gjatë ditës për hir të All-llahut pos farzeve, All-llahu do t’ia ndërtojë një shtëpi në Xhennet.” Ndërsa në një rast ai ka thënë: “Katër rekate para dreke, dy pas dreke, dy pas akshamit, dy pas jacisë dhe dy para sabahut”. Transmetohet se ai ka falur namaz edhe pas ikindisë dhe para akshamit. Ai ka thënë:“Ndërmjet çdo ezani dhe ikameti ka namaz” dhe këtë e ka përsëritur 3 herë, pastaj ka thënë: “Për atë që dëshiron.”
Namazi i vitrit nuk është mirë të lihet pa falur, edhe pse nuk është farz. Muhammedi a.s. atë nuk e ka lënë pa falur.
Përveç këtyre namazeve, Muhammedi a.s. ka falur edhe namaze të tjera vullnetare, si për shembull është çuar natën dhe ka falur namaz nate, ose ka falur namaz pas lindjes së diellit, ose kur është zënë dielli, ndërsa ndonjëherë ka falur namaz para se të ndërmarrë ndonjë vendim të rëndësishëm për ndonjë çështje të kësaj bote. Këto janë namaze vullnetare dhe kryerja e tyre edhe pse nuk është e domosdoshme, çmohet shumë.
Kohet e faljes se Namazit
1. Sabahu (Fexhr) falet në agim, prej kur fillon dallimi mes errësirës së natës dhe dritës së zbehtë të mëngjesit, dhe vazhdon deri para lindjes së diellit.
2. Dreka (Dhuhr) falet pasi që dielli lëviz prej zenitit, deri në atë pozitë kur hija e objektit fiton gjatësinë e objektit.
3. Ikindia (’Asr) falet pas mbarimit të drekës dhe vazhdon deri para perëndimit të diellit.
4. Akshami (Magrib) fillon pas perëndimit të diellit deri në errësimin e horizontit.
5. Jacia (’Isha) falet pasi që horizonti errësohet plotësisht, deri para agimit.
Rekatet
Namazi përbëhet nga pjesët e quajtura rekate.
Në vazhdim po tregojmë nga sa rekate kanë namazet:
| Rekatet >> Namazi | Sunnet | Farz | Sunnet | Vitri |
| SABAHU | 2 | 2 | ||
| DREKA | 4 | 4 | 2 | |
| IKINDIJA | 4 | 4 | ||
| AKSHAMI | 3 | 2 | ||
| JACIA | 4 | 4 | 2 | 3 |
Falja e Namazit
PASQYRA E LUTJEVE GJATË FALJES SË FARZEVE
| Namazi | Sabahu | Dreka | Ikindia | Akshami | Jacia |
| Rekati | |||||
| 1 | Subhaneke Eudhubilahi Fatiha (Kewther) | Subhaneke Eudhubilahi Fatiha (Kewther) | Subhaneke Eudhubilahi Fatiha (Kewther) | Subhaneke Eudhubilahi Fatiha (Kewther) | Subhaneke Eudhubilahi Fatiha (Kewther) |
| 2 | Fatiha (Ihlas) Et-Tehijatu SELAMI | Fatiha (Ihlas) Et-Tehijatu | Fatiha (Ihlas) Et-Tehijatu | Fatiha (Ihlas) Et-Tehijatu | Fatiha (Ihlas) Et-Tehijatu |
| 3 | Fatiha | Fatiha | Fatiha Et-Tehijatu SELAMI | Fatiha | |
| 4 | Fatiha Et-Tehijatu SELAMI | Fatiha Et-Tehijatu SELAMI | Fatiha Et-Tehijatu SELAMI |
LUTJET
| Arabisht | Shqip | |
| Tekbir | All-llahu Ekber | All-llahu është më i Madhi |
| Subhaneke | Subhaneke All-llahumme we bi hamdike we tebarekesmuke we te’ala xhedduke we la ilahe gajruke | Dëlirësia të takon Ty, Zoti im, dhe falënderimi, emri Yt është i bekuar, e lartësuar është Madhështia Yte, s’ka hyjni pos Teje |
| E’udhu bil-lahi | E’udhu bil-lahi minesh-shejtanir-raxhim | Mbështetem në All-llahun nga djalli i mallkuar |
| Fatiha | 1. Bismil-lahir-rahmanir-rahim 2. El hamdulil-lahi rabbil ‘alemin 3. Er-rahmanir-rahim 4. Maliki jewmid-din 5. Ijjake na’budu we ijjake nesta’in 6. Ihdinas-siratal mustekim 7. Siratal-ledhine en ‘amte ‘alejhim, gajril magdubi ‘alejhim we led-dal-lin (AMIN) | 1. Me emrin e All-llahut, Mëshiruesit, Mëshirëbërësit 2. Falënderimi i takon All-llahut, Zotit të botërave 3. Mëshiruesit, Mëshirëbërësit 4. Sunduesit të ditës së Gjykimit 5. Vetëm Ty të adhurojmë dhe vetëm prej Teje ndihmë kërkojmë 6. Udhëzona në rrugën e drejtë, 7. në rrugën e atyre ndaj të cilëve ke bekimin, jo në të atyre që je i hidhëruar, dhe që kanë humbur! (Amin) |
| Kewther | Bismil-lahir-rahmanir-rahim 1. Inna a’tajna kel kewther 2. Fe sal-li li rabbike wen har 3. Inne shanieke huwel ebter | Me emrin e All-llahut, Mëshiruesit, Mëshirëbërësit 1. Vërtet Ne të dhamë ty të Mirën (e pashtershme) 2. Pra falu për Zotin tënd dhe sakrifiko 3. Vërtet urrejtësi yt është farësosur. |
| Ihlas | Bismil-lahir-rahmanir-rahim 1. Kul hu wall-llahu ehad 2. All-llahus-samed 3. Lem jelid we lem juled 4. We lem jekun l-lehu kufuwen ehad | Me emrin e All-llahut, Mëshiruesit, Mëshirëbërësit 1. Thuaj: Ai, All-llahu është Një 2. All-llahu është Strehuesi 3. S’ka lindur kë, as nuk është i lindur 4. Dhe Atij askush nuk i përngjan |
| Subhane Rabbi el ‘Adhim | I Dëlirë është Zoti im Madhështor | |
| Semi’ All-llahu limen hamideh | All-llahu dëgjon atë që e falënderon | |
| Rabbena lekel hamd | Zoti ynë, Ty të takon falënderimi | |
| Subhane rabbi el a’la | I Dëlirë është Zoti im i Lartë | |
| Rabbi gfirlij, gfirlij | Zoti im, falmë, falmë | |
| Tehijatu | Et-tehijjatu lil-lahi wes-salawatu wet-tajjibatu Es-selamu ‘alejke ejjuhen-nebijju We rahmetull-llahi we berekatuhu Es-selamu ‘alejna we ‘ala ‘ibadil-lahis-salihin Esh hedu en la ilahe il-lall-llah We esh-hedu enne muhammeden ‘abduhu we resuluhu | Përshëndetjet i takojnë All-llahut, si dhe lutjet dhe fjalët e mira Paqja qoftë mbi ty, o Lajmëtar, si dhe mëshira e All-llahut dhe begatitë e Tij Paqja qoftë mbi ne dhe mbi të gjithë robërit e mirë të All-llahut Dëshmoj se s’ka hyjni tjetër pos All-llahut dhe se Muhammedi është robi dhe i dërguari i Tij |
| Salavat | All-llahumme sal-li ‘ala Muhammedin We ‘ala ali Muhammed Kema sal-lejte ‘ala Ibrahime we ‘ala ali Ibrahim Inneke hamidun mexhid | O All-llahu im, bekoje Muhammedin dhe familjen e tij, siç e bekove Ibrahimin dhe familjen e tij, Ti je i Falënderuar dhe i Lartësuar |
| Salavat | All-llahumme barik ‘ala Muhammedin We ‘ala ali Muhammed Kema barekte ‘ala Ibrahime we ‘ala ali Ibrahim Inneke hamidun mexhid | O All-llahu im, begatoje Muhammedin dhe familjen e tij, siç e begatove Ibrahimin dhe familjen e tij, Ti je i Falënderuar dhe i Lartësuar |
| Duaja e namazit | All-llahumme rabbena atina fid-dunja haseneten we fil-ahireti haseneten we kina ‘adhaben-nar Rabbena gfirli we li walidejje we lil-mu’minine jewme jekumul hisab | O All-llahu im, Zoti ynë, na jep të mira në këtë botë dhe në botën tjetër, dhe na ruaj nga dënimi me zjarr Zoti ynë, më fal mua, prindërit e mi dhe besimtarët ditën kur do ta japim llogarinë |
| Selam | Es-selamu ‘alejkum we rahmetull-llah | Paqja dhe mëshira e All-llahut qofshin mbi ju |
