Gazetarja turke Sirin Payzin ka komentuar vendimin e qeverisë shqiptare për të blerë dronë nga Turqia.

Përmes postimeve në Twitter, gazetarja pyet se “kundër kujt do t’i përdorin dronët shqiptarët?!”

Ajo shkon edhe më tej me ironinë kur shkruan: “Pse nuk u shesim (shqiptarëve) edhe raketa S-400?”

Pak kohë më parë, kryeministri Edi Rama dhe ministri i Brendshëm Blendi Çuçi njoftuan planin e përforcimit të Policisë së Shtetit me dronë superinteligjentë në mbështetje të punës për kontrollin e territorit dhe akseve rrugore.

Gazeta pro qeveritare turke “Yeni Safak” ka publikuar një shkrim, sipas të cilit Shqipëria ka ndarë një buxhet prej 8 milion eurosh me qëllim blerjen e disa dronëve të paarmatosur nga Turqia.