Publikohen fotot e para të xhirimeve nga Sex & The City dhe gjithë sytë janë tek ~veshjet~

Në New York kanë filluar zyrtarisht xhirimet për “Sex & The City” dhe ndërsa nuk dihet shumë për vazhdimësinë e serialit, gjithë vëmendja është fokusuar tek veshjet e personazheve kryesore. Edhe më parë, “Sex & The City” ka vendosur trende dhe ka qenë frymëzues për mënyrën e veshjes së qindra grave. 

Tani, ato duket se kanë një stil tjetër veshjeje, për “gra më të rritura”, më klasik dhe më të shtrenjtë në tërësi. Sidoqoftë, këtë s’e dimë me siguri.

Si zakonisht, Carrie është e fiksuar pas këpucëve që vjedhin vëmendjen.

Miranda ka stilin e saj më serioz dhe Charlotte duket si mamaja e një prej vajzave të Gossip Girl.

Për krahasim, ja disa nga veshjet më ikonike të “Sex & The City” atëherë:

Çfarë dihet deri tani për serialin?

– Seriali pritet të ketë rreth 10 episode nga 30 minuta për seri dhe fillimisht do të transmetohet në HBO Max.

– Pjesë e tij do të jetë edhe Covid-19. Në një intervistë për Vanity Fair, Sarah Jessica Parker u shpreh:

“Covid-19 do të jetë pjesë e historisë tonë sepse kjo është bota në të cilën jetojnë karakteret. Pandemia ka ndryshuar lidhjet dhe marrëdhëniet tona. Kam shumë besim që skenaristët do ta përfshijnë dhe analizojnë me kujdes gjithë këtë.”

– Seriali do të zhvillohet pa shoqen e katërt, Samantha. Lajm që nuk i ka lumturuar dhe aq ndjekësit.

– Kësaj radhe, “Sex & The City”, do vijë me titullin “And Just Like That…”