Analisti i njohur, Fatos Lubonja e shikon më të avantazhuar Serbinë në krahasim me Shqipërinë, në lidhje me nismën ”Ballkani i Hapur”, kur prej 1 janarit të vitit 2023, qytetarët dhe mallrat do të lëvizin lirshëm midis dy vendeve si dhe Maqedonisë së Veriut.

Deklarata e Lubonjës, u bë ditën e sotme në rubrikën ”Opinion” në News 24. Sipas Lubonjës, është e pafalshme që Rama shkon dhe merr vendime vetë pa u konsultuar teksa shtron shqetësimin e Kosovës duke ditur që Serbia si strategji të vetën ka që ta zgjidhë konfliktin duke mos e njohur

Fatos Lubonja: ”Të gjithë ata që kam lexuar, që shkruajn, i mëshojnë tezës që ekonomikisht këtu përfitim ka Serbia, Serbia fuqizohet, Shqipëria dobësohet. Ne kemi nevojë për ekonomi të shëndoshë, prodhuese, të na çlirojë nga droga, krimi i organizuar. Nëse hap tregun shqiptar e kthen në ushqim për Serbinë. E provon koha, por mendimi im është që është dhe politikë-propagandë. Tre liderë që mbajnë njëri-tjetrin, mbështesin njëri-tjetrin. E kam thënë gjithmonë si hipotezë, ai që komandon është Vuçiçi kurse Rama një mbështetje që ka nga SHBA është dhe nga lobimi serb aty, për disa projekte të Vuçiç. Edhe ajo që tha Milo që në ’99 ia ka propozuar Sorosi. Shoqëri e hapur, por me çfarë interesash. Ti mund të luftosh nacionalizmin, por është dhe një problem për Europën, oligarkia. Atëhere mos ky minishengen mos është një minieuropë e oligarkëve serbë e shqiptarëve. Një pakicë ndoshta nuk i godet në raport me Serbinë. Mendoj që oligarkët që kemi ne kanë investuar në Maqedoni, edhe në Serbi. Në këtë botë globale ku sundojnë oligarkët, nuk ka rëndësi nëse je shqiptar apo serb.”