Gazetari Nikoll Lesi, në disa shkrime të publikuara së fundi në gazetën e tij, duket se nuk po i kursen lajkat ndaj kryeministrit Edi Rama.

Edhe pse dikur mbështeste opozitën, tashmë Lesi duket se e ka “dredhur”, dhe ka filluar ti bëjë “fresk” Ramës.

Gazeta Koha Jonë ka pasqyruar operacionin e shpëtimit të grave dhe fëmijëve nga kampi “Al Hol” në Siri.

Dhe në shkrimin në fjalë, kryeministri Edi Rama cilësohet si “James Bond 007”.

“Edi Rama, shoqeruar nga ministri i brendshëm Bledi Çuçi (në rolin e Sean Connery) zhvilloi një aksion si në filmat e James Bond 007! Ja se ç’shkruan vetë protoganisti “James Bond 007”: Beirut, Liban – Për operacionin e shpëtimit nga kampi i ferrit në Al Haël dhe kthimit të fëmijëve e grave të tjera në Atdhe. 5 gra dhe 14 fëmijë shqiptarë nga kampet e vdekjes në Siri, nesër në Shqipëri, falë një operacioni të gjatë e të ndërlikuar inteligjence në terren dhe ndihmës së paçmueshme të gjeneralit Abass Ibrahim”. Dhe pas aksionit tip Bond, kryeministri Rama shkruan sot:“Mbërrijnë në Atdhe 14 fëmijë dhe 5 gra shqiptarë nga kampi i ferrit Al Haël”. Burime nga stafi endrifugist tregojnë se kryeministrit i pëlqen James Bond. Përveç pikturës, Rama, endërron edhe të jetë aktor. Një serial e luajti këto dy ditë në Beirut!”, shkruan gazeta e Nikoll Lesit.