Analisti Andi Bushati është shprehur se shpallja ‘non grata’ i ish-kryeministrit Sali Berisha është inskenuar nga persona që synon të shkatërrojnë të djathtën.

I ftuar në emisionin Open në TCH,  Bushati ka shtruar pyetjen se “kujt i shërbeu shpallja ‘non grata’ Berishës”, kur këtu kanë 8 vite që vjedhin.

Sipas tij, kjo fabul dhe ai që e ka shpikur ‘non grata-n’ e Berishës ka qenë një njeri pervers që ka pasur qëllim shkatërrim e opozitës”, shprehet Bushati në emisionin “Open”.

Më tej analisti Bushati ka komentuar ‘foltoret’ e ish-liderit demokrat në qytetet e vendit dhe ‘lufta’ që i ka shpallur kryedemokratit Lulzim Basha.

Sipas tij, “Partia Demokratike është katandisur aq keq”, sa shpresa e vetme mbetet Berisha.
“Nuk mendoj se duhet të rikthehet më në krye të partisë. Nuk i bën mirë opozitarizmit në Shqipëri.
Nuk është ky problemi sot para opozitës. Është puna që me këtë lider që ka sot, i bën dot ballë regjimit të Edi Ramës apo jo.

Ata që e kanë përkrahur Berishën shkojnë nga ky shqetësim, janë njerëz të pashpresë. Berisha është zgjidhja nga halli se atje ku është katandisur opozita, s’kanë ç’bëjnë”.