Reperi Eminem i befasoi të gjithë fansat, pasi u shfaq duke shërbyer makarona në hapjen madhështore të restorantit të nënës së tij në qendër të Detroit, të mërkurën.

Sipas “CNN”, Eminem, i cili shërbeu si kamerier për klientët e parë të restorantit, u shfaq i veshur me një xhaketë me kapuç dhe me një kapele të zezë poshtë tij.

Agjenti i tij, Paul Rosenberg, foli për projektin e ri të reperit dhe theksoi se ishte shumë i kënaqur me reagimin e fansave, i cili ishte “jashtëzakonisht pozitiv”.

“Restorantet paraprak ‘pop-up’ ishin një provë për ne, për të parë nëse kishte ndonjë entuziazëm për një restorant ‘Mom’s Spaghetti’ që do të ishte i hapur gjatë gjithë vitit. Ne jemi shumë të lumtur të njoftojmë ardhjen e restorantit pa rezervime dhe dyqanit sipër, i quajtur The Trailer”,- tha agjenti i reperit.

Emri i restorantit, “Spaghetti”, është frymëzuar nga një këngë e artistit, e titulluar “Lose Yourself”.

“Pëllëmbët e duarve të tij janë të djersitura, gjunjët i janë dobësuar, krahët i janë bërë të rëndë, Tashmë ka të vjella në triko, spaghett-in e nënës”, thuhet në një nga vargjet e këngës.