Ish-Kryeministri Sali Berisha tha nga Foltorja e Dibrës se Lulzim Basha me vendimin që mori duke më përjashtuar nga Grupi Parlamentar dorëzoi sovranitetin e Partisë Demokratike.

Berisha tha se ai mori një vendim duke asgjesuar pluralizmit, duke mos pyetur dhe mos respektuar as forumet dhe as statutin e Partisë Demokratike.

Ish-Kryeministri deklaroi se nuk i ka kërkuar asnjë ndihmë Lulzim Bashës lidhur me shpalljen non grata, ndërsa shtoi se çështjen e kishte çuar në Gjykatën e parisit pvr të mbrojtur dinjitetin e tij dhe të shqiptarëve.

“Ne duhet të bashkohemi, nuk kemi asnjë problem me ata që mendojnë ndryshe nga ne. Ne bashkohemi te vota, PD ka humbur shpirtin e saj, votën e lirë. Lidershipi i saj ka humbur besimin masiv të anëtarëve të saj. I ftoj të vijnë këtu ata që nuk kanë ardhur këtu, ne nuk do të largojmë njeri, por do të respektojmë parimet, forumet dhe statutin. Ne jemi forcë konservatore, ne besojmë te familjet tona, te vokacioni perëndimor”, tha Berisha.

Ai tha se Lulzim Basha, si një kryetar i marrë peng, nuk mund të marrë vendime në emrin tonë.

“Mbi Lulzim Bashën rëndojnë 4 disfata. Miqtë e mi, ju mund ta doni ose jo Sali Berishën, por ju mendohuni, a mund ti shprehet besimi një njeriu që kalon nga humbja në humbje? Çfarë jemi ne që të kreditojmë një njeri që arkivon 4 humbje rrjesht”, tha Berisha.

Ish-Kryeministri tha se Baton Haxhiu është kthyer në avokat të Edi Ramës dhe Lulzim Bashës.

“Është i dokumentuar si bashkëpunëtori i numrit 1 të shërbime sekreteve serbe. Si mund të jetë avokat i dy kundërshtarëve Baton Stanishiqi”, tha Berisha.