Një valë hakmarrje ka përfshirë Partinë Demokratike, gjë e cila po e rrënon edhe më shumë pozitën e Lulzim Bashës në bazë dhe te anëtarësia blu. Të gjithë përfaqesuesit demokratë që po mbështesin Berishën, Basha ka nisur t’i sakrifikojë, duke ju marrë postet që mbanin në bazë të meritave politike. Kështu radha i ka ardhur sot edhe Luan Baçit, të cilin Basha e ka shkarkuar si kryetar dege pa pyetur askënd dhe në vend të tij ka vendosur Kapllajn, i cili as nuk jeton në Fier.

Para Baçit, Basha u hakmor ndaj Flamur Nokës, të cilin e përjashtoi si nënkryetar të komisionit të sigurisë dhe e paralajmëroi se do ta përjashtonte nga grupi. Po ashtu Basha u hakmor edhe ndaj Oerd Bylykbashit, të cilin e hoqi nga çështjet e reformës zgjedhore, duke ja minimizuar rolin brenda partisë. Të njetin fat pati edhe Edmond Spaho e më pas Paloka, i cili nuk u zgjodh as si nënkryetar. E me sa duket cdokush tjetër në vazhdim që do mbështesë Berishën do e presë përjashtimi. Dhe nëse kjo situatë vazhdon edhe për dy apo javë, me shumë gjasë, do mbesë në krah vetëm me Grida Dumën, Ervin Salianjin e profesorin Gjemarkaj.

Taktika e përjashtimit që Basha po ndjek me mbështetetësit brenda radhëve ndaj ”Foltores” është tipikisht bolshevike, duke ndjekur parimin: “nëse s’je me mua, nuk bën pjesë më në parti”. Pra sipas Bashës çdokush që ka një mendim ndryshe nga ai, çdokush që ka kontribute të vyera në patrti por që mendon se kryetari ka gabuar me vendimet që ka ndërmarrë, duhet të largohet nga funksionet që mban. Madje dhe të largohet nga partia. Albana Vokshi ja tha në mbledhjen e grupit: “Grupi Parlamentar, Kryesia e Grupit Parlamentar, nuk duhet të kthehen në gjyqe politike. Gjithsecili duhet të ketë lirinë e fjalës. Z. Berisha është thënë që është përjashtuar përkohësisht nga Grupi Parlamentar, por ai është lideri historik, është anëtar i Këshillit Kombëtar pra çfarë të keqe ka që të ndjekim ‘Foltoret’? Pse duhet të gjykohemi apo të bëhemi armiq pse dikush shkon e dikush nuk shkon? Është zgjedhje! “

Por Basha nuk dëgjon nga ai vesh!

Përfundimisht, “Foltorja” e Berishës ka bërë që Basha të humbasë toruan. Mbështetja e gjerë që po has në bazë kjo nismë e doktorit ka krijuar panik te Basha, i cili po ndjen ti dridhet çdo ditë e më shumë karrigia e kryetarit të partisë. E nëse vazhdon kështu, duke mos krijuar frymën e bashkëpunimit edhe me kritikët apo hapjen e plotë të partisë, Basha shumë shpejt krahas mendjes, do humbasë edhe partinë. Shumë shpejt! (…ndërkohë firmat për Kuvendin Kombëtar janë mbledhur më shumë se dyfishi i numrit të domosdoshëm)