Gazetari Enton Abilekaj, i ftuar në emisionin Çim Peka Live në Syri TV theksoi se është ulëritëse që borxhi publik po shkon mbi 100 përqind.

Abilekaj thekson se opozita nuk flet për një skandal të tillë, ku borxhet e vendit sa vjen e vetëm rriten e kjo është çmenduri.

“Nuk duhet të marrim borxh, duke rritur shpenzimet që sa vijnë dhe rriten. Borxhi publik po shkon 90 përqind me letra dhe faktik po shkon mbi 100 përqind. Kjo është çështje ulëritëse. Në vend se të ulërojë opozita, thotë po abstenojmë pak për këtë gjë. Vendi po zhytet dhe nuk po e merr më veten.Edi Rama me 700 milionë euro që merr bën kompletim zyrash, ka blerjen e makinave dhe shpenzimet operative mbi 200 milionë euro. Ky është qëndrim politik, nuk është qëndrim ekonomik ky. Kjo është ulëritëse. Ju nuk duhet ta lejonit që eurobondi të mos ndodhte. Jemi në situatë dramatike. Ju nuk flisni se keni frikë se ju bërtet Rama”, u shpreh Abilekaj.