Gazetari i Ekonomisë Klodian Tomorri deklaroi se programi ekonomik mund të konsiderohet si një listë kaotike dëshirash, pasi sot që flasim borxhi publik është 78%.

Sipas tij ajo që Shqipëria duhet të bëjë, është të uli borxhin në mënyrë dramatike.

Sigurisht që do ketë rritje taksash sepse sdo ketë si të ndodh ndryshe me këtë borxh dhe investim veprash të mëdha që qeveria ka parashikuar. Ajo që po diskutohet sot është që mund të rritet tvsh, por mund të ketë dhe indeksim të akcizave në bazë të inflacionit. Deri tani nuk i kemi pasur tani po flitet sepse FMN e ka kërkuar prej kohësh. E gjithë baza fiskale vjen mbi tatimin e konsumit. Pra ky është një problem i madh sepse është taksuar aq shumë konsumi dhe nuk taksojmë të ardhurat e atyre që fitojnë më shumë si korporatat dhe bizneset.

Ata kanë me mijëra shtigje për t’ju shmangur tatimeve dhe barra u bie njerëzve. Sot që flasim borxhi publik është 78%, është rritur me 14.8 %. Ajo që rekomandohet për një ekonomi si Shqipëria duhet të uli borxhin në mënyrë dramatike. Këta shkruajnë ne program se do ulim borxhin në 60% ajo është marrë nga fjalimi i 2017, por ndodhi që ajo kërceu prapë. Por se si do ulet borxhi kur Rama thotë se do rrisë rrogat, pensionet, do ndërtoj porte dhe aeroporte. Ky nuk është një shpenzim i bërë njëherë, kur ti rrit rrogat ai kthehet në shpenzim të detyrueshëm për çdo vit dhe i zë frymën buxhetit. Ai program është listë kaotike dëshirash.