Një tjetër lajm i keq duket në horizont për aktorin Alec Baldwin i cili aksidentalisht vrau kineastën  Halnya Hutchins.

Sipas mediave amerikane burri i Hutchins ka vendosur të ngre padi dhe ka hedhur hapin e tij të parë.

Ai ka punësuar një avokat i cili do të merret me këtë çështje.

Padia do të ngrihet me akuzën ‘ vdekje si pasojë e pakujdesisë’ dhe do të sjellë në gjyq shumë persona mes tyre dhe aktorin.

Michael L. Mandell, avokat i specializuar në këto lloj çështjesh, duke folur për shtyp, deklaroi se rasti do të synojë kompaninë e prodhimit, Alec Baldwin dhe producentë të tjerë të Rust, duke nënvizuar dhe faktin që Baldwin është një nga prodhuesit  e filmit  dhe mund të rrisë mundësinë e ndjekjes penale të tij.

Kujtojmë që se fundmi mediat amerikane kanë shkruar se emrat të cilët janë në qendër të hetimit janë Dave Halls dhe Hannah Gutierrez Reed, ekspertja e armëve të filmit.

 Dave Halls  i cili i dorëzoi Baldëin armën që shkaktoi aksidentin në deklaratën e tij të parë pas ngjarjes është shprehu:

‘Shpresoj që kjo tragjedi të shtyjë industrinë të rivlerësojë vlerat dhe praktikat e saj për të siguruar që askush të mos dëmtohet përsëri gjatë procesit krijues. Halyna Hutchins nuk ishte vetëm një nga njerëzit më të talentuar me të cilët kam punuar, por edhe një mikeshë’ .

Në deklaratën e tij ai nuk e ceku pjesën e armës.

Dave Halls