Analisti Armando Shkullaku u shpreh se kryeministrit Rama i intereson qëndrimi i Lulzim Bashës në krye të PD-së, si një model. Sipas Shkullakut, Lulzim Basha hyri në qeveri me Ramën duke spastruar PD-në.

“Unë mendoj që Ramës i intereson Basha në krye të PD-së. Nuk jam për këtë gjuhë që përdoret si nga Berisha edhe nga Basha. Basha, nuk mund të reflektojë një gjë të  tillë. Pse Ramës i intereson Basha? Unë mendoj se i intereson më tepër si model. PD ka qenë më autoritare. Jo vetëm Basha hyri në qeveri me Ramën dhe spastroi PD-në. Pas kësaj Basha shpiku termin ngrirje, ngriu dhe më pas hyri në garë për kryetar. Në 2021 ne arritëm në një pikë tjetër që është degradimi i demokracisë. Modeli i Ramës u shtri dhe në partitë e tjera kryesisht në PD. Rikthimi i Berishës është goditës dhe zhgënjyes për të gjithë shoqërinë shqiptare, ku demokracia e Shqipërisë ka mbërritur në këtë derexhe sa ta ringrejë Berisha”, u shpreh Shkullaku.