Nicole Scherzinger është një nga këngëtaret më të njohura, por për të arritur suksesin që ajo ka sot i është dashur të kalojë nëpër shumë vështirësi gjatë jetës.

Së fundmi ajo ka rrëfyer se është rritur në mënyrë shumë modeste dhe ka pranuar se ka bërë punë të ndryshme “për një dollar”, teksa ka habitur edhe më shumë kur rrëfeu se ka shitur gjak për të blerë ushqim.

Prindërit e saj nuk kanë qenë në gjendje që të fitonin shumë, prandaj ajo dikur ka kënduar nëpër restauronte të ndryshme,“Kam qenë e varfër kur kam studiuar. Kam shitur gjak për pak para”, ka theksuar ajo, ndërsa ka shtuar se ajo është rritur në një shtëpi plot dashuri.

“Unë e dua shumë familjen time, por kurrë nuk kam pasur dikë që të blinte një makinë, të më paguante orët e këndimit ose kërcimit. Me pak fjalë, punoja dhe fitoja vetë për të gjitha”, tha ajo.