Ekzistojnë tre faktorë që ndihmojnë në rritjen e muskujve : Ngritja e peshave,ushqimi i duhur dhe pushimi. Ndërthurja  e këtyre të trejave jep rezultatet e dëshiruara.Nëse doni të rrisni masën tuaj trupore bëni ushtrime me pesha të rënda duke i rritur gradualisht ato. Gjumi i rehatshëm është kryesor pasi gjatë tij ndodh ripërtërimi i qelizave.Disa nga ushqimet që ndërtojnë masë muskulare janë:

• Salmoni: është i përbërë nga proteinat dhe acidet yndyrore omega-3 të cilat janë dy ushqyes kyç për të ndërtuar muskuj. Përbërësit e tij ndihmojnë në reduktimin e inflamacionit të krijuar nga stërvitja me intensitet të lartë. Ai përmban elemente ushqyes si zinku, i cili ruan nivelet e testosteronit.
• Karbohidratet: duhet të jenë prioriteti juaj i dytë nëse doni të krijoni masë muskulare. Ato mund t’i gjeni tek orizi dhe buka.Karbohidratet janë të rëndësishme pasi ato ju japin energji sidomos gjatë intensitetit të lartë në ushtrime.
• Avokadot: sigurojnë një kombinim ushqyesish që e bëjnë atë një “muskul ndërtues” perfekt.Nje avokado përmban mesatarisht 10gram fiber,15 gram yndyrna te pangopura dhe 250 kalori .
• Vezët e ziera: janë të pasura me proteina të cilat janë kryesore për riparimin dhe rritjen e muskujve.Ato shndërrohen në aminoacide gjatë tretjes.
• Mishi i gatuar mirë dhe pa dhjamë: është burim i disa mineraleve,vitaminave dhe hekurit.Rekomandohet të konsumohet 2 orë para palestrës.