Ndikimi i filantropistit miliarder George Soros mbi administratën e Joe Biden ka filluar të shqetësojë Kongresin. Kështu thotë gazetari Matt Palumbo ndërsa shton se dyshimet kanë nisur të shtohen, pasi u zbuluan lidhjet familjare të Sorosit me Sekretari e Shtetit, Anthony Blinken.

Gazetari Matt Palumbo thotë se kjo marrëdhënie ka të ngjarë të fuqizojë Sorosin që të ketë ndikim të drejtpërdrejtë mbi administratën e Bidenit dhe politikën e Departamentit të Shtetit.

Nisur nga kjo, republikani Lee Zeldin ka kërkuar tre herë radhazi fakte nga Sekretari Blinken përse e shpalli “non grata” ish-kryeministrin e Shqipërisë, Sali Berishën.

Palumbo thekson se Berisha ka qenë dhe mbetet një kritik i zëshëm i George Soros. Ndërkohë thotë se Blinken i mohoi të kishte ndonjë komunikim me Soros.

Gazetari thotë se kur u vu nën presion mbi provat për korrupsion ndaj Berishës, Blinken pretendoi se ishin ndjekur të gjitha protokollet e duhura. Palumbo nënvizon se pavarëisht kërkesave të shumta, Blinken nuk i ka bërë publike provat.

Siç dokumenton Matt Palumbo në librin e tij të ardhshëm mbi George Soros: Përgjegjës për dhënien e fakteve mbi korrupsionin e supozuar të Berishës në Departamentin e Shtetit është Instituti i Menaxhimit Lindje-Perëndim.

Instituti drejtohet nga Delina Fico dhe është një nga dy grupet e krijuara nga Soros. Gjithashtu thuhet se pasi Blinken u konfirmua si Sekretar i Shtetit, gazeta hungareze Magyar Nemzet e quajti atë “lajm i mirë për George Soros”. 

Burimi: NEON NETTLE