Ish-ministri i Drejtësisë Ylli Manjani ka shprehur kritika ndaj procesit të vetingut. Duke e cilësuar krahinor dhe politik, ai thotë se procesi ka qenë diskriminues.

Sipas Manjanit, gjyqtarët që kanë raport të mirë me pushtetin e kaluan vetingun. Ai rendit dhe disa emra, për të cilët pretendon se provuan korrektësisht burimet e pasurisë dhe sërish u larguan.

Ish-ministri nënvizon se ndaj atyre që mund ta kenë merituar largimin, vettingu ishte jo profesional dhe me shkelje të rënda ligjore. Ai ngre pikëpyetjet e të pasurit të një drejtësie të barabartë, kur gjyqtarët nuk trajtohen njësoj. Manjani shton se këto janë fakte, duke thënë se po rikthehemi ‘në drejtësinë popullore Enveriste’.

“Vettingu është i padrejtë e i pabarabartë. Dyshimi është serioz që vetting është madje diskriminues! Është krahinor dhe politik!!! Ata që e kalojnë zakonisht e kanë mirë me pushtetin monist.

Edhe ndaj atyre që mund ta kenë merituar largimin, vettingu ishte jo profesional dhe me shkelje të rënda ligjore. Pra nuk kanë kopsitur asgjë. Çështja është se nëse Republika i trajton gjykatësit padrejtësisht dhe jo njësoj, mos prisni të kemi drejtësi të drejtë e të barabartë për të gjithë.

Nga ana tjetër miklimi në publik me qëndrime ekstreme ndaj gjykatësve është i gabuar. Është rikthim në drejtësinë popullore Enveriste”, shkruan ndër të tjera Manjani.

https://www.facebook.com/permalink.php?story_fbid=1317056285405475&id=100013033472627