Sali Berisha gjatë fjalës së tij, i ka ftuar sot zyrtarët e DASH-it që të rishqyrtojnë vendimin për shpalljen e tij “non grata”.

Ai u shpreh se “arroganca dhe gabimi” nuk janë virtyte të njerëzve të lirë.

Berisha thotë se ka muaj që pret, por asnjë fakt, dokument, provë, nuk i është treguar, sipas tij për faktin e vetëm se nuk ekzistojnë.

“Në vitin 2013 shumë nga jush kërkuan që mos jepja dorëheqjen, por keni marrë nga unë vetëm një përgjigje, dinjiteti im e kërkon të jap dorëheqjen, por edhe dinjiteti juaj kërkon që unë të jap dorëheqjen dhe u kam thënë të vërtetën. Po të shkojmë më tutj32 vjet të shkuara në një natë të zezë dimri unë kisha marrë një vendim të dilja të përballesha me diktaturën, jo për tu bërë politikan apo president, por njeri me dinjitet, ai është vendimi më i rëndësishëm i jetës sime. Prandaj nisa betejën po aq i vendosur si 30 vjet më parë të bëj gjithçka për dinjitetin tim.

Kam muaj që pres, asnjë fakt, dokument, provë, për faktin e vetëm se nuk ekzistojnë. Edhe një herë nga kjo sallë u bëj thirrje zyrtarëve të DASH të çojnë në Paris çdo provë që kanë, t’i bëjnë publike, dhe unë marr çdo vendim ndaj vetes sime. Ftoj cilindo mbi Tokë që ka një provë të vetme ta paraqes publikisht. Sali Berisha merr vendimin e duhur. Duke qenë i përulur para të vëërtetës do vazhdoj pakthyeshëm misionin tim.

Si besimtar i zotit dhe dinjitetit të njeriut, beteja ime nuk do ndalet kurrë. Ftoj zyrtarët e DASH të rishqyrtojnë vendimet e tyre, sepse arroganca dhe gabimi nuk janë virtyte të njerëzve të lirë. Ju grantoj se do vazhdoj i palëkundur misionin tim së bashku me ju për të përmbysur narko-shtetin në Shqipëri, për të rikthyer në pushtet PD-në, si parti e vlerave të lirisë.”- tha Berisha.