Nëse të gjitha femrat do të kishin një ëndërr të përbashkët ajo do të lidhej me humbjen e peshës pa dieta drastike e ushtrimet të lodhshme. Dr Steve Faulkner, është studiuesi që duket do u bëjë ëndrrën realitet femrave anembanë botës.

Shkencëtari nga Universiteti Loughborough, beson se dushi i nxehtë mund të jetë po aq efektiv sa ushtrimet në natyrë apo palestër pasi të qëndruarit pasiv në ujë të nxehtë mund të përmirësojë shëndetin, shkruan Living.

Dr Faulkner dhe ekipi i tij kanë hetuar efektin e një dushi të nxehtë në organizmin e njeriut duke kontrolluar nivelin e sheqerit në gjak dhe numrin e kalorive të djegura. Studimi ka përfshirë 14 njerëz që kanë ndenjur për një orë të zhytur në një vaskë me ujin që arrinte temperaraturën 40 gradë. Ata zbuluan se një dush i nxehtë digjte kalori sa një shëtitje 30-minuta.