-A erdhe bijë nga puna ?

-Po mam …
-Herët sot bijë . S’më dukesh bash mirë .

A t’dhemb diçka ?
-M’dhemb i tan shpirti mam …
Kam pas ftohtë sot në shpirt .
Rrugës tuj ardh m’kanë ngri lotët kur kam pa nji burrë tuj kja …

Ngashërima e tij mam ngjason me zanin e Jobit t’pervujtun e t’përulun.
– Paj bij ,Zotit i kjofshim fal ! Ç’ka e bani kēt burrë me kja kaq rrëngjethshëm?

– E bani njeriu mam e jo djalli …Ose ma sakt i bje se e bani njeriu me zemer djalli …
E bani nji armat mam qi duheshin me ken n’anen e tij e me i dorzu uniformat .

E ban bijtë e besës së thyme të shqipes e cila valvitet ende krenare mbi flamur. A ban vllezërit,djemt e bijat e tij ,të cilët e zhveshën nga çdo dinjitet njerëzor ,e pamëshirë mam e lanë n’qiell t’lirë pa pyetur se ku do i flenë fëmijët…

– Ehu bre bija jeme ,në kyt t’ftohtë as hasmi s’lihet jasht … Kuku për ne ,maza më keq u prish bota .

Zoti e ndihmoft at burrë e at familje ! Zoti i dhashtë dhjetfishin si Jobit!
– Amen !
-Eja bij e lutemi së bashku ! Lutja e të drejtit bje n’vesh t’Zotit …

-Mos asht shurdhue Zoti mam?
-Shuj bija jeme ! Shuj …
Synit t’diellit e synit t’Zotit nuk i shpëton gja .

E aj za burri qi ka kja me ngashërima sot ka lëkund kolonat e Përtejbotës . E nji ushtri engjijsh asht ma e fort se nji armat njeriu…
Tash bij ngrohu n’lutje!

@ Marinela Sela

Dt 19/01/2022