Të rriturit që flenë vetëm gjashtë orë në natë mund të kenë më shumë mundësi të dehidratohen, krahasuar me ata që flenë më gjatë, sipas hulumtimit të fundit të botuar në internet së fundmi nga revista Sleep.

Gjetjet sugjerojnë se disa nga simptomat e gjumit joadekuat, të tilla si lodhja, mendimi i paqartë dhe dhimbja e kokës në mëngjes, mund të jenë për shkak të dehidrimit.

Studiuesit panë rrezikun e dehidrimit në afërsisht 20,000 të rritur. Në të dy popullatat, njerëzit që raportuan të flinin gjashtë ose më pak orë kishin deri në 59% rrezik më të lartë të dehidrimit krahasuar me ata që flinin shtatë deri në tetë orë rregullisht. Studiuesit spekuluan se gjetja mundtë pasqyrojë ritmin natën të një hormoni të quajtur vazopresinë.

Gjatë gjumit, hipofiza në tru përdor vazopresinë për të sinjalizuar veshkat që të mbajnë lëngun në trup sesa ta nxjerrin  atë përmes urinës.

Normalisht, gjëndra e hipofizës lëshon më shumë vazopresinë më vonë gjatë ciklit të gjumit, kështu që nëse një person zgjohet herët, më pak nga hormoni arrin veshkat në kohë për të kursyer ujin.

Dehidrimi ndikon negativisht në shumë prej sistemeve dhe funksioneve të trupit, duke përfshirë njohjen, gjendjen shpirtërore, performancën fizike dhe të tjerët. Dehidrimi afatgjatë ose kronik mund të çojë në probleme më serioze, siç janë rreziku më i lartë i infeksioneve të traktit urinar dhe gurëve në veshka.

Nëse po bëni vetëm gjashtë orë gjumë në natë, kjo mund të ndikojë në statusin e hidratimit. Ky studim sugjeron që nëse nuk po flini mjaftueshëm dhe ndiheni keq ose jeni të lodhur ditën tjetër, pini ujë shtesë.

Natyrisht ilaçi më i mirë është të flemë më shumë. Por nëse nuk mundeni, sigurohuni të pini të paktën një gotë të plotë ujë kur të zgjoheni cdo mëngjes.