Një keqkuptim i zakonshëm është se prodhimi i shumë testosteroneve në trup, ju bën nervoz. Por kjo nuk është aspak e vërtetë, është e kundërta – një nivel i ulët i testosteronit ka të ngjarë të shkaktojë nervozizëm. Ndërsa termi “menopauzë mashkullore” përdoret për gjendjen, kjo frazë është pak mashtruese – zakonisht nuk ka një rënie të papritur të testosteronit në moshën e mesme siç është për esterogjenin tek gratë.

Nivelet e testosteronit bien me kalimin e moshës, por rënia është graduale – më pak se 2 për qind në vit nga mosha rreth 30 vjeç – dhe zakonisht nuk shkakton ndonjë problem.

Rrallëherë, testosteroni mund të bjerë në një nivel që shkakton simptoma si lodhje, ulje të dëshirës seksuale, probleme me ruajtjen e ereksionit dhe nervozizëm. Por nuk është aq e zakonshme. Në vitin 2010, Studimi Evropian i Plakjes së Meshkujve (EMAS) zbuloi se mungesa e testosteronit prekte rreth 2 për qind të meshkujve të moshës 40 deri në 79 vjeç dhe rreth 5 për qind të meshkujve të moshës 70 deri në 79 vjeç.

Mungesa e vërtetë e testosteronit është e rrallë, por ka më shumë gjasa te meshkujt që janë mbipeshë dhe/ose kanë sëmundje kronike, si diabeti i tipit 2. Probleme specifike gjenetike me testikujt gjithashtu mund ta shkaktojnë atë, por këto janë jashtëzakonisht të rralla.

Pra, nëse ndiheni pak të mërzitur, definitivisht nuk është për shkak të testosteronit të tepërt, por gjithashtu nuk ka gjasa të jetë një “menopauzë mashkullore”. Faktorët e stilit të jetesës si gjumi i dobët, alkooli dhe duhani, apo problemet e shëndetit mendor si stresi, depresioni apo ankthi, kanë më shumë gjasa të jenë fajtorët.