Mix
Mahmood dhe Blanco, fituesit e Sanremo 2022 me këngën “Brividi”
Mahmood dhe Blanco janë fituesit e edicionit të 72-të të Festivalit të San Remo me këngën “Brividi”.
Dy këngëtarët do të përfaqësojnë Italinë në skenën e Eurovizionit. Energjia shpërthyese e Blanco-s dhe Mahmood i njohur e i vlerësuar që në 2019-ën për këngën “Soldi” triumfuan në renditje që në natën e parë të festivalit. Ata rezultuan më të ndjekurit që nga viti 1995 me 11,378,000 spektatorë, një përqindje mesatare prej 60,5%.
Ata vendosën rekord që në 24 orët e para në Spotify dhe u futën menjëherë në 10-shen e parë në klasifikime.
E dyta u rendit Elisa me “O forse sei tu” dhe në vendin e tretë Gianni Morandi me “Apri tutte le porte”.
