Faqja “Wiwibloggs” ka hapur një votim për këngët që janë zyrtare për të përfaqësuar shtetet europiane në “Eurovision 2022” (kujtojmë se jo të gjitha shtete kanë zyrtarizuar ende përfaqësuesit e tyre).

Në këtë votim online që është hapur dje, Italia është e para deri tani me 32.30% të votave. Mahmood dhe Blanco u shpallën fituesit e “Sanremo 2022” me këngën “Brividi” dhe duket që që tani ka rrëmbyer zemrat e fansave.

Ndërkohë në vendin e dytë renditet Spanja me 25.34% të votave, Chanel më këngën “SloMo”.

Ndërsa “Sekreti” i Ronela Hajatit, renditet në vendin e tretë me 10.05% të votave. Kënga është pritur shumë mirë nga fansat e “Eurovision” dhe përgatitjet e këngëtares shqiptare për një përfaqësim sa më dinjitoz kanë nisur që tani.

Linku ku mund të votoni dhe ju: Voto