Dua Lipa ishte e pranishme në inaugurimin e shkollës së parë shqiptare në Texas të Amerikës. Artistja shqiptare nga Kosova me famë dhe sukses të jashtëzakonshëm në skenën ndërkombëtare është gjithmonë gati t’iu përgjigjet pozitivisht ftesave për të takuar bashkëkombësit e saj.

Këngëtarja ajo ka publikuar foto me fëmijët, ndërsa ka mbajtur edhe një fjalim rreth promovimit të gjuhës, kulturës dhe artit shqiptar.

“Një nder që isha në hapjen e shkollës së parë në gjuhën shqipe në Teksas sot. Qendra promovon kulturën, artin dhe muzikën shqiptare teksa ofron mësime gjuhe për fëmijët nga 5-15 vjeç”,- shkruan Dua në fotot që ka postuar.