Tenderat, koncesionet dhe VKM-të janë kthyer në një favor për qeverinë. Jo pak herë janë vënë në diskutim për parregullsitë në procesin e miratimit dhe dhënies, për faktin se pjesën dërrmuese e kanë përfituar eksponentë dhe shoqëria të afërta me qeverinë në pushtet.

“Kastrati Group” rezulton një ndër shoqëritë me numrin më të lartë të VKM-ve dhe koncesioneve të marra në Shqipëri, sipas raportimit të faqes “Punë Oligarkësh”. Nga një hulumtim, rezulton se të paktën 7 VKM dhe ligje janë dhënë dhe miratuar në favor të “Kastrati Group”, në pronësi të Shefqet Kastratit.

Duke filluar nga koncesioni për aeroportin e Tiranës, marrja në pronësi e ujit Selita, aeroporti i Kukësit “Zayed-Flatrat e Veriut” e deri te ndërtimi i Rrugës së Kombit, ‘Kastrati Group’ ka lëvruar nga buxheti i shtetit, shuma të mëdha dhe sipërfaqe toke për zbatime projektesh e koncesionesh.

Kastratit i është dhënë nga qeveria në bazë të VKM 508 dt. 17.7.2019 me 1 euro 353.686 m2 Kastratit për ujin Selita. Po ashtu, me 1 euro i janë dhënë 2.6 milionë m2 tokë në Sarandë, në bazë të VKM 514 dt. 1.7.2020.

Koncesioni në Porto Romano i është dhënë shoqërisë “Kastrati Group”, sikurse edhe Porti Ushtarak i Sarandës me VKM VKM 515 dt. 1.7.2020. Grupi “Kastrati” zotëron dhe 50% të aksioneve të “Albanian Highway Concession”, që menaxhon koncesionin e Rrugës së Kombit.

Në 2019-ën, Kastrati kaloi si grupi më i madh dhe për fitimet. Thuajse çdo sektor i ekonomisë së vendit, zotërohet nga aksionet e “Kastrati Group”. Pronari i grupit Kastrati është etiketuar edhe nga radhët e opozitës si oligarku që pastron paratë e qeverisë Rama.