Çfarë nuk duhet të bëni kurrë gjatë seksit

Fjalët ndonjëherë kanë fuqi të madhe. Ato mund t’ja bëjnë dikujt ditën më të mirë, të lëndojnë dikë, të sjellin emocione por edhe të prishin kënaqësinë në shtrat. Kur flasim për këtë të fundit, sigurohuni që t’i shmangni këto gjëra.

1. Mos i sugjeroni partnerit tuaj diçka për të cilën nuk jeni të sigurt

Edhe pse ju pëlqen mendimi i një lloji të caktuar seksi, mos e provoni apo sugjeroni atë gjatë seksit. Ekziston mundësia që të mos ju pëlqejë ose të mos jeni plotësisht gati për atë hap, i cili vetëm sa do ta prishë këtë moment pasionant. Para se të eksperimentoni, bisedoni me partnerin për dëshirat tuaja dhe përgatitni trupin dhe mendjen për eksperimentet.

2. Mos flisni për punët e shtëpisë apo ndonjë angazhim tjetër

Pyetjet si “a e ke ushqyer qenin” apo “e ke paguar faturën e energjisë elektrike” nuk janë ndër temat për të cilat partneri dëshiron të dëgjojë gjatë seksit. Kur bëni dashuri, shmangni diskutimin e përgjegjësive. Pranojeni seksin si një akt relaksues në të cilin harroni të gjitha ngarkesat dhe frustrimet.

3. Mos e lavdëroni partnerin nëse nuk e ndjeni me të vërtetë

Mos i falsifikoni orgazmat dhe mos i tregoni partnerit tuaj se ai është partneri më i mirë nëse nuk e mendoni në të vërtetë. Nëse e bindni se ka bërë diçka të mirë, mund të dënoheni vazhdimisht për diçka që nuk ju pëlqen vërtet. Përveç kësaj, ju jeni përgjegjës për orgazmën tuaj, ndaj mos ia mohoni vetes emocionet në asnjë mënyrë.

4. Mos e komentoni pamjen e partnerit në mënyrë negative

Gjithmonë kujtojini partnerit tuaj që duket seksi. Dhoma e gjumit është ideale për të ndarë komplimente. Qëndroni gjithmonë te komentet pozitive. Mos harroni se vënia në pah e parregullsive sigurisht që nuk çon në seks të mirë.

5. Mos filloni një debat

Bisedat e hapura dhe të sinqerta janë një pjesë kyçe e një marrëdhënieje të lumtur. Megjithatë, çdo gjë ka një kohë dhe vend, ndaj lini diskutimet serioze jashtë shtratit.