Britney Spears dhe partneri i saj Sam Asghari së shpejti do të bëhen prindër për herë të parë.

Pasi ylli pop-it dha lajmin e bukur, i shpejtë ka qenë edhe reagimi i të fejuarit të saj në rrjetin e tij social Instagram.

“Martesa dhe fëmijët janë një pjesë e natyrshme e një marrëdhënieje të fortë të mbushur me dashuri dhe respekt. Atësia është diçka që e kam pritur gjithmonë me padurim dhe nuk e marr lehtë”, shkroi ai.

Sam përkrah fotografisë së dy luanëve me një këlysh, shkroi, “Është puna më e rëndësishme që do të bëj gjithë jetën time”.

Kujtojmë që Britney është nënë edhe dy djemve, Sean Preston 16 vjeç dhe Jayden James 15 vjeç, që erdhën në jetë nga martesa e saj me ish-bashkëshortin Kevin Federline.