Radar
Inceneratorët, gazetari: Së shpejti një ministër i pandehur, emri i fillon me A
Afera e inceneratorëve zbërtheu vetëm një pjesë të korrupsionit dhe shpërdorimit të detyrës nga ana e zyrtarëve dhe ish-zyrtarëve. Ish-ministri Lefter Koka dhe ish-deputeti Alqi Bllako, ishin të parët që ranë në prangat e policisë, nën akuzën e përfshirjes në aferë.
Gazetari Arjan Çani tregoi për “Të Paekspozuarit”, se së shpejti pritet që një tjetër ministër të merret si i pandehur për aferën. Çani tha se emri i tij fillon me A dhe theksoi se kryeministri Rama ka dijeni për të.
“Shumë shpejt pritet një tjetër çështje penale. Do të merret një i pandehur nga qeveria për inceneratorët. I fillon emri me A. Nëse kjo ndodh, se mos më thoni që Edi Rama nuk dinte gjë. Kujdes po të mbajti afër Edi Rama se në fund e ke ngrënë sa krahu!”, tha Çani.
