Deputeti demokrat Xhelal Mziu i është bashkuar deputetëve që kanë mbështetur platformën e propozuar nga Enkelejd Alibeaj.

Ai ka reaguar përmes një postimi në rrjetet sociale, ku shprehet se ka munguar në diskutimin e platformës për shkak të angazhimeve personale por ama i bashkohet listës së deputetëve që e mbështesin atë.

“Partia Demokratike ka qenë dhe ngelet shpresë për demokratët dhe për çdo shqiptarë!

Bashkimi i Partisë Demokratike është zgjidhja e vetëme, që nesër të jemi forcë qeverisëse!

Për shkak të disa angazhimeve personale, kam munguar në diskutimin e platformës së propozuar nga kolegët deputetë të grupit parlamentar të PD.

I bashkohem listës së deputetëve dhe mbështes këtë platformë si rruga e duhur për çdo demokratë dhe shqiptarë, për një Shqipëri Evropiane nesër!”- shkruan Mziu.

Në listë nuk mungon as emri i ish-kryedemokratit Lulzim Basha, por bie në sy mungesa e deputetëve si Ervin Salianji e Grida Duma.