Për të luftuar depresionin pas lindjes, terapia më e mirë për nënën dhe fëmijën reszulton të jetë këndimi. Në një të ardhme jo shumë të largët, kjo mendohet të jetë pjesë e recetës së mjekëve për depresionin post partum.

Studimi në 3 grupe

Një studim i botuar në Journal British of Psychiatry diskuton trajtimin e ri dhe origjinal. Studimi u krye nga një ekip në Univeritetin e Londrës dhe 134 nëna të reja u ndanë në 3 grupe. Nënat e grupit të parë përdorën si terapi këngën, të grupit të dytë u morën me aktivitete të ndryshme krijuese dhe grupi i tretë u trajtua me ilaçe të zakonshme kundër depresionit.

Përfitimet dhe lehtësitë e nënës

Rezultoi se gratë që janë marrë me këndim, kishim përmirësim të simptomave të depresionit, krahasuar me ato që kanë kryer trajtime të tjera. Ato kanë shfaqur reduktim të shenjave të depresionit me 35% që në gjashtë javët e para. Ky është një lajm i shkëlqyer sipas autorëve të studimit, sepse të kënduarit nuk kërkon shpenzim, mund të praktikohet nga të gjitha nënat dhe nuk ka asnjë efekt anësor, si trajtime të tjera kundër depresionit.

Përfitimet e fëmijës

Të kënduarit, jo vetëm ndihmon nënën të ndihet më mirë, por ka efekt pozitiv edhe tek fëmija, duke i dhënë ndjenjën e qetësisë dhe relaksit.

A e dini se?

Nuk është hera e parë që këndimi përdoret si një terapi në fushën e shëndetit mendor: disa kërkime kanë nxjerrë në pah se këndimi ndihmon të moshuarit dhe njerëzit me probleme mendore.