Lajmet e fundit: Si është situata në Ukrainë

Dita 58 e luftës

· Rusia ka fshehur provat e krimeve “barbare” të luftës në Mariupol duke varrosur trupat e civilëve të vrarë nga bombardimet në një varr të ri masiv, tha kryebashkiaku i qytetit.

· Zyrtarët amerikanë kanë hedhur poshtë pretendimin e Vladimir Putin se forcat e tij kanë “çliruar” qytetin port të Mariupolit. Presidenti rus e bëri këtë pretendim pavarësisht se ministri i tij i mbrojtjes tha se ushtria ruse po luftonte ende me mijëra trupa ukrainase të strehuar në fabrikën e çelikut Azovstal.

· Zyrtarët perëndimorë thanë se Putin është “ende në një pozicion për të fituar” në Ukrainë, pavarësisht se dështoi në objektivat e paraluftës. Rusia ka filluar të adresojë disa nga çështjet që e penguan ushtrinë e saj në fillim të pushtimit, tha një zyrtar.

· Presidenti i Ukrainës, Volodymyr Zelensky, ka thënë se Rusia kundërshtoi një armëpushim të propozuar për Pashkët, por ai ka shpresë për perspektivat për paqe.

· Rusia ka vendosur bllokime të udhëtimit për zëvendëspresidenten e SHBA-së, Kamala Harris dhe drejtorin e Facebook-ut, Mark Zuckerberg, si dhe dhjetëra amerikanë dhe kanadezë të shquar si hakmarrje për sanksionet e vendosura pët Ukrainë. Ministria e Jashtme ruse tha se kufizimet e udhëtimit për 29 amerikanë dhe 61 kanadezë – që përfshin gjithashtu zyrtarë të mbrojtjes, udhëheqës biznesi dhe gazetarë nga të dy vendet – do të mbeten në fuqi për një kohë të pacaktuar.

· Parlamentet e Estonisë dhe Letonisë i kanë njohur veprimet e Rusisë në Ukrainë si “gjenocid”. Në një deklaratë, parlamenti i Estonisë tha se trupat ruse në territoret e pushtuara përkohësisht kishin kryer “akte gjenocidi” kundër popullsisë civile, duke përfshirë “vrasje, zhdukje me forcë, dëbime, burgosje, tortura, përdhunime dhe përdhosje të kufomave”.

· Trupat ruse kanë përdorur një numër armësh të ndaluara gjerësisht në të gjithë botën, të cilat kanë vrarë qindra civilë në rajonin e Kievit, sugjeron një studim i Guardian.

Burimet: Guardian, Euronews