Kim Kardashian e nxori nga arkiva e modës së njëherë e një kohe fustanin e Met Gala-së.

Të gjithë sytë ishin te Kardashian, 41 vjeç dhe Davidson, 28, teksa dolën së bashku në tapetin e kuq. Megjithatë, fustani i saj është ai që i ka bërë të gjithë të flasin.

Kim huazoi një nga fustanet më ikonike të Marilyn Monroe – fustanin “Happy Birthday, Mr. President” – i cili është ekspozuar në Orlando, Florida.

Ajo e kompletoi stilin me një palë vathë diamanti dhe një xhaketë të bardhë prej gëzofi.

“Ky është fustani i Marilyn Monroe dhe është 60-vjeçar. Ajo e veshi këtë kur i këndoi “Happy Birthday” Presidentit John F. Kennedy në 1962-shin,” i tha Kardashian korrespondentit të Vogue në tapetin e kuq.

“Kisha idenë për ta provuar dhe më pas erdhën rojet e armatosur”, vazhdoi ajo. Ia doli ta merrne hua, por të futej në fustanin vintage nuk ishte e lehtë.

“E provova dhe nuk më bënte. Thashë: “Më jepni tre javë kohë”. Më duhej të humbisja 16 kilogramë për sot”, pranoi Kardashian.

“Ishte një sfidë. Ishte si një rol filmi. Unë isha e vendosur të përshtatesha në të. Nuk kam konsumuar karbohidrate apo sheqer për rreth tre javë. Në darkë do hamë pica dhe petulla”, tha ajo.

E dizenjuar nga Jean Louis, fustani fillimisht kushtonte 12,000 dollarë dhe thuhet se ishte aq i ngushtë vetëm që Monroe të dukej seksi për Presidentin Kennedy më 19 maj 1962 në një mbledhje fondesh në Madison Square Garden, vetëm tre muaj para se të vdiste.

Kim u përshtat me Monroe-n duke i lyer flokët e saj në bjonde platin.

Tema e Met Gala 2022 është “Në Amerikë: Një Antologji e Modës”.