Edhe pse dietologët dhe ekspertët e shëndetit këshillojnë t’u rrini larg ushqimeve me yndyrë dhe t’i gatuani ato me avull, në furrë apo të ziera, e vështirë t’i rezistosh një pjate me patate të skuqura. Por si gjithmonë amvisat se cili është vaji i duhur për t’u përdorur. Dihet që mbreti i tavolinës është vaji i ullirit, por ai humbet vlerat ushqyese në temperaturë të lartë ndaj ngelet të zgjidhni llojet e tjera. Nga të gjithë vajrat që gjenden në treg, më të përdorurat nga amvisat shqiptare janë vaji i misrit dhe vaji i lulediellit, por cilat janë veçoritë e tyre?

Kaloritë

Të dhënat të cilave u referohemi tregojnë se të dy vajrat përmbajnë pothuajse të njëjtën sasi kalorish. Një filxhan çaji me vaj luledielli përmban 1,900 kalori, kjo shifër vlen dhe për vajin e misrit.Në të dyja rastet kaloritë vijnë nga yndyrnat.

Profili i yndyrnave

Yndyrnat tek vaji i lulediellit janë 90% yndyrna të shëndetshme të pangopura dhe 10% yndyrna të ngopura jo të shëndetshme. Yndyrnat tek vaji i misrit janë 85 % yndyrna të shëndetshme të pangopura dhe 15 % yndyrna të ngopura. 

Kjo do të thotë se vaji i lulediellit është një zgjedhje pak më e mirë në aspektin shëndetësor.

Dy prej karakteristikave më të rëndësishme të një vaji gatimi janë aroma dhe pika e djegies. Vaji i misrit digjet më shpejt se vaji i lulediellit. Kjo nënkupton se vaji i lulediellit është një zgjedhje më e mirë për gatimet e skuqura me temperaturë të lartë.