Stërvistja është gjithmonë e mirë për ju, por koha e ditës për të arritur rezultatin më të mirë mund të jetë e ndryshme për gratë dhe burrat, sipas një studimi amerikan.

Studimi zbuloi se gratë djegin më shumë yndyrë trupore gjatë stërvitjes në mëngjes, ndërsa burrat në mbrëmje.

Dallimet në hormone, në orët biologjike dhe ciklet gjumë-zgjim ndërmjet gjinive, të gjitha mund të luajnë një rol.

Studimi i 30 burrave dhe 26 grave – të gjithë aktivë dhe të shëndetshëm, dhe midis 25 dhe 55 vjeç – zgjati 12 javë dhe monitoroi efektet e një programi fitnesi, i cili përfshinte stërvitje, sprint, rezistencë dhe qëndrueshmëri.

Njëri grup ushtrua për një orë para orës 08:30, ndërsa grupi tjetër ndoqi të njëjtat aktivitete në mbrëmje, nga ora 18:00 deri në 20:00. Të gjithë pjesëmarrësit ndoqën një plan ushqimi të krijuar posaçërisht.

Studiuesit testuan presionin e gjakut dhe yndyrën e trupit të të gjithëve gjatë studimit, si dhe fleksibilitetin, forcën dhe fuqinë aerobike të tyre në fillim dhe në fund.