Mix
A është gabim t’i jap banane fëmijës 5 muajsh?
A është gabim t’i jap banane fëmijës 5 muajsh?
Fëmija im është 5 muajsh. Unë sapo kam filluar t’i shtoj banane në drithëra, por nëna ime mendon se është ende shumë i vogël për banane e drithëra. Por unë nuk mund ta vë në gjumë, pa i dhënë më parë këto ushqime.
A është gabim t’i jap banane në këtë moshë?
Në kushtet ideale, rekomandohet që fëmijët të ushqehen ekskluzivisht vetëm me qumësht gjiri derisa të mbushin 6 muajsh. Por sigurisht që kjo nuk është gjithmonë e mundur ose madje e dëshirueshme në disa raste. Mjekët rekomandojnë prindërit të presin për t’i dhënë fëmijës ushqime të ngurta derisa të jetë mjafueshëm i rritur për t’i gëlltitur e për t’i tretur ato.
Kjo sugjerohet për të zogëluar mundësinë që foshnjat të zhvillojnë alergji ushqimore, të cilat mund të kenë më shumë gjasa kur ushqime të caktuara të futen shumë herët në dietën e fëmijës.
Natyrisht, çdo fëmijë është i ndryshëm, çdo prind është i ndryshëm dhe çdo situatë është ndryshe, e për më tepër ndonjëherë nuk mund të ndjekësh disa rregulla të përcaktuara.
Bananet e freskëta dhe drithërat janë zgjedhje shumë e mirë për të filluar ushqimet e ngurta tek fëmijët, por më parë duhet të siguroheni se fëmija juaj është gati për to.
Shenjat që tregojnë se është gati janë:
- Mban kokën lartë dhe ka kontroll të mirë të saj.
- Hap gojën kur i afroni lugën.
- E merr dhe e gëlltit ushiqmin nga luga pa e nxjerrë e pa e pështyrë.
- Pothuajse ka dyfishuar peshën e lindjes.
Nëse fëmija plotëson këto kushte, mund t’i jepni banane pa u shqetësuar.
