“Paguajmë 60 mijë € në ditë për inceneratorin e Tiranës që s’funksionon”

Thotë Ina Zhupa

Ina Zhupa

Afera e inceneratorëve, e cila është cilësuar si afera e shekullit vijon të “gllabërojë” miliona euro nga taksat e qytetarëve.

Deputetja demokrate, Ina Zhupa, u shpreh në “A Krasta Show” se paratë publike po shpërdorohen ndërsa theksoi se paguajmë rreth 60 mijë euro në ditë për inceneratorin e Tiranës, si kosto për djegien që nuk ndodh.

“Me Mirel Mërtirin jam në gjyq. Thoja që në Sharrë është mal me plehra dhe nuk digjen, më thoshte më ke cenuar dinjitetin.

Ti cenon paranë publike dhe mali me plehra ta tregon, ata me dorë bënin ndarjet, dhe kjo ishte e tmerrshme.

Paguajmë 60 mijë euro çdo ditë për inceneratorin e Tiranës, kosto për diçka që nuk ndodh”, tha Zhupa.