Victoria Beckham ka arritur ta sfidojë moshën, duke ruajtur një siluetë të admirueshme, por duket se kjo vjen si pasoja e sakrificave shumë të mëdha që duhet të bëjë këngëtarja e kthyer në stiliste. Victoria i nënshtrohet një diete mjaft të rreptë ushqimore, të cilën moderatorja e njohur televizive në Mbretërinë e Bashkuar, Ulrika Jonsson e ka përshkruar si ‘të mjerueshme’.

Komentet e saj, prezantuesja 54 vjeçare, i bëri pasi mësoi se në dasmën e Sergio Ramos, Victoria kishte kërkesa të komplikuara, që nga uji i kokosit apo mentja. Bashkëshorti i Victoria-s, David gjithashtu rrëfeu pak kohë më parë se e shoqja ha të njëtin ushqim prej 25 vjetësh – peshk të pjekur në zgarë dhe perime të ziera.

“Pyes seriozisht se çfarë kënaqësie merr Victoria nga jeta. Dua të them, ideja e vajzës për ‘ushqimin e rehatisë’ është bukë e thekur me miell integral me kripë mbi të. Edhe bashkëshorti i saj David thotë se ajo ka ngrënë të njëjtën gjë për 30 vitet e fundit, gjë që tingëllon e trishtuar dhe duhet të krijojë një ekzistencë të mjerueshme,” tha Ulrika.

Ajo e pranoi se Victoria duket shumë mirë, por shtoi: “A duhet t’i kufizoni dhe t’i mohoni vetes vaktet në mënyrë që të mbeteni të dobët dhe të dukeni përjetësisht rinore?’