Jason Momoa dhe Eiza González janë rikthyer bashkë.

Ylli i “Aquaman” dhe aktorja e “Baby Driver” konfirmuan se janë sërish çift të enjten me një xhiro romantike me motor nëpër Malibu, Kaliforni.

Momoa, 42 vjeç, i jepte motorit, ndërsa 32-vjeçarja González u ul pas me krahët të mbështjellë fort rreth belit të tij, siç duket në fotot e siguruara nga Daily Mail.

Momoa dhe González ndezën thashethemet e pajtimit në fillim të këtij muaji, kur u panë duke frekuentuar të njëjtat vende në Londër.

Momoa dhe aktorja meksikane thuhet se ishin brenda ambienteve për të njëjtën periudhë kohore, por dolën veçmas dhe vetëm disa minuta larg njëri-tjetrit.

Momoa dhe González thuhet se e filluan lidhjen në shkurt, vetëm një muaj pasi aktori njoftoi ndarjen nga gruaja e tij Lisa Bonet. Ata kanë bashkë vajzën Lola, 15 vjeç dhe djalin Nakoa-Wolf, 13 vjeç.